షేర్షా కేవలం 5 సంవత్సరాలే పాలించినప్పటికీ ఆయన ప్రవేశపెట్టిన పరిపాలనా పద్ధతులు తరువాతి కాలంలో అక్బర్కు మార్గదర్శకంగా నిలిచాయి.
- పరిపాలనా విభాగాలు:
- రాజ్యాన్ని 47 'సర్కార్లు' (జిల్లాలు)గా విభజించాడు; ఒక్కో సర్కార్కు షిక్దార్-ఇ-షిక్దారన్ (శాంతిభద్రతలు), మున్సిఫ్-ఇ-మున్సిఫాన్ (న్యాయం) అధికారులు ఉండేవారు.
- సర్కార్లు 'పరగణాలు'గా విభజించబడ్డాయి; పరగణాలో షిక్దార్, అమీన్ (భూమి శిస్తు), ఫొతేదార్ (ఖజానాదారు), కార్కూన్లు (రాయసగాళ్లు) ఉండేవారు.
- భూమి శిస్తు సంస్కరణలు (జబ్తీ పద్ధతి):
- భూమిని కొలవడానికి సికింద్రీ గజ్ (32 అంగుళాలు), జనుము తాడు (జరీబ్) వాడాడు.
- దిగుబడి ఆధారంగా భూమిని ఉత్తమ, మధ్యమ, అధమ తరగతులుగా వర్గీకరించాడు.
- రైతులకు వారి హక్కులు తెలిపే 'పట్టా' ఇచ్చేవాడు; రైతులు చెల్లించాల్సిన శిస్తును అంగీకరిస్తూ రాసిచ్చే ఒప్పంద పత్రాన్ని 'కబూలియత్' అనేవారు.
- కరెన్సీ మరియు రహదారులు:
- పాత నాణేలను రద్దు చేసి స్వచ్ఛమైన వెండి నాణెం 'రూపాయా' (178 గ్రెయిన్లు) ను ప్రవేశపెట్టాడు (ఇదే నేటి భారత రూపాయికి మూలం).
- రాగి నాణేన్ని 'దామ్' అనేవారు.
- బెంగాల్లోని సోనార్గావ్ నుండి పాకిస్తాన్లోని పెషావర్ వరకు 2400 కి.మీ. పొడవైన 'సడక్-ఇ-ఆజమ్' (గ్రాండ్ ట్రంక్ రోడ్డు)ను నిర్మించాడు.
- బాటసారుల సౌకర్యార్థం ప్రతి 2 కోసులకు (సుమారు 8 కి.మీ.) ఒక సరాయి (సత్రం) నిర్మించి పక్కనే చెట్లు నాటించాడు.