ఆధునిక భారతదేశంలో ఈస్ట్ ఇండియా కంపెనీ వాణిజ్య సంస్థ నుండి సార్వభౌమ శక్తిగా మారిన ప్రయాణంలో 1757 జూన్ 23 (ప్లాసీ యుద్ధం) మరియు 1764 అక్టోబర్ 22 (బక్సార్ యుద్ధం) నిర్ణయాత్మకమైనవి.
1857 మే 10న మీరట్లో మొదటి స్వాతంత్ర్య సంగ్రామం ప్రారంభం కాగా, 1858 నవంబర్ 1న విక్టోరియా రాణి ప్రకటన ద్వారా భారత్ నేరుగా బ్రిటిష్ రాణి పాలనలోకి వెళ్లింది. 1885 డిసెంబర్ 28న భారత జాతీయ కాంగ్రెస్ ఏర్పాటైంది.
1905 అక్టోబర్ 16న బెంగాల్ విభజన అమలు కావడం ద్వారా స్వదేశీ ఉద్యమం ఊపందుకుంది. 1919 ఏప్రిల్ 13న దేశవ్యాప్త చైతన్యానికి కారణమైన జలియన్వాలాబాగ్ దురంతం చోటుచేసుకుంది.
1920 ఆగస్టు 1న సహాయ నిరాకరణోద్యమం, 1930 మార్చి 12న దండి సత్యాగ్రహం, 1942 ఆగస్టు 8న క్విట్ ఇండియా తీర్మానం దేశ స్వాతంత్ర్య పోరాటంలో ప్రధాన దశలుగా నమోదయ్యాయి.